LEONFORTI

U me paisi si chiama Leonforti
E mi piacissi starici fino a morti,
nte vaneddi nuatri jucamu
e ci criscimu pianu, pianu.
Eni riccu di monumenti
E li visitanu tanti genti.
Accuminciamu cca scuderia
Dunni u principi i cavaddi ci tinia,
a caddivarizza c’è un palazzu ranni
ca eni vecchiu di tanti anni.
Nte ventiquattru cannola passannu ci vivimu
Picchì è propriu chissa l’acqua ca vulimo.
Nto iardinu de ninfi c’erino pianti rari
Ca nun era facili de nostri zoni truvari.
A chijsia da Madonna a brivatura è affacciata
E a patruna do paisi è dedicata
Dintra c’è na petra ca l’unturi a pesti vulia
Ma a Matri o Carminu miracolò i genti dall’epidemia.
Taliannu versu supra un campanili vidimu
È chiddu di Santu Stefinu, u primu martiri ca avimu.
Invece a Matrici a San Giuanni è dedicata
E di tutti i paisani eni tantu amata.
Sant’Antuninu era cappella privata
Ca sulu da principessa era frequentata.
Acchianamu ed arrivamu a un puntu
Dunni u cursu si fa tunnu tunnu
U tornachiazza eni chiamatu
Ed era u pustu do mercatu.
Propriu di dduocu na bella scalinata parti
Ca arriva nti na chijsia china d’opiri d’arti
De liunfurtisi è chiamata San Giusè
Ca ci arrivinu offerte di dunni è ghiè.
E Scapuccini ci su i tombi de coniugi Branciforti
Ca furu patruni do paisi non ppi scelta ma ppi sorti.
O chianu di la scola i cavaddi do principi erinu addomesticati
E quannu erinu manzi vinivinu cavalcati.
Fori paisi na bella villa si truvava
E u baruni Bonsignori l’abitava.
Infini si vulimu vidiri chiddu ca amu numinato
Imu a Santa Crù, dunni arristamu senza sciatu.
Chistu era Leonforti, oggi è cangiatu
Infatti cco iri do tiempu si è allargatu
È cchiu “evolutu”, ma nun sacciu si ha miglioratu.
(CLASSE III L scuola Dante Alighieri Leonforte)